1- طالت الغيبات
طالت الغيبات والزعل منك طول وينك حبيبي قلبي انت شقيته
كل شي حبيبي في غيابك تحول ارجع ياروحي حبك انا افقديته
دمعي على الخدين يا عمري حول والنوم عفته والفرح هم نسيته
خل الزعل عنك وارجع من اول ما أقوى على فراقك لو انته بغيته
وين الزمان اللي كنت اتدلل ذاك الوطر وينه انت عفيته
والله يا روح الروح قلبي تعلل جارت عليه الأيام فيما هقيته
2- رحلي عن حياتي
روحي رحلي من حياتي عيشي في عالم بعيد
قربك و بعدك لي واحد في حياتي مو سعيد
في غيابك انا احاتي واش يفيد
في حضورك انتظر موعد جديد
روحي لو قلبي تعذب لو بقيت انا وحيد
هذا ارحم ياحياتي لو الفراق صعب وشديد
روحي لو كنت اترجه لو بجيت دم باديج
والله بعدج عني ارحم حتى لو وله عليج
3- عجيب
عجيب يا عمري عجيب والله حبك شي عجيب
انكتب لي في النصيب وغير احوالي
عجيب يا عمري عجيب والله حبك شي عجيب
ما ألاقي مثلك حبيب حبه لي غالي
راح راح حزن وألم وجراح ومن عرفتك راح والهم عني انزاح
انت ياعمري الحبيب اللي من قلي قريب
العمر وياك يطيب وانا من دونك غريب
يابعد روحي ابيك اعشقك واموت فيك
دايم اتوله عليك كل حياتي بين اديك
4- شاقول
شاقول بعد اللي جرى شاقول
الشكوه لله يوم انك تكبرت
اللي جرى منك ماهو بمعقول
من غير سبه عني تغيرت
كذبت كل الناس واصدقتك القول
اشقد انا سامحت واشقد صدقت
ياما تحملتك وقليبي معلول
انري انت ناسيني وعن عيني ابعدت
ذوقتني ك العذاب والهون
يوم انك من قلبي تمكنت
جاك تبي قربي دور لك على حلول
انا على وعدي لكنك اخلفت
جانك تبي تبعد لاحول لاحول
هذا اللي مكتوب لي في دفتر الوقت
5- مقيوله
مقيوله اللي يحب يبان في عيونه
يداري قلبك ومايخونه
يكتم في صدره الشوق وسرك يصونه
مقيوله اللي يحبك ما يحب غيرك
وبعمره دايم يضحي لك
يحزن على بعدك يجيلك
مقيوله اللي يبيعك في الهوى بيعه
اهجر كل حبه وسنينه
لاتصدق ما قول لاتصدق عيونه
6- دموع العين
سيلي يا دموع عيني واحرقي حتى الجفون
وابجي على اللي فارقوني ماظنهم بيردون
صارت ايامي عذاب اعيشها بالدموع
راح من عمري الشباب وانا احلم بالرجوع
مابين شوقي ولهفتي انا انتظر جيتك
لو تدري بلوعتي وانت عني في غربتك
من بعد عشرة طويله فيها أحلى ايام عمري
راحت في يوم وليلة من سنه ضاع بدري
7- مستحيل 2001
مستحيل ألقى مثيلك مستحيل احب احد
مايميل قلبي لغيرك وانت روحي والجسد
حبي انته تعرفه مايحتاج اوصفه
في دروبك ابتدي هذا مني لك وعد
ومن حنانك ارتوي يا حبيبي للأبد
انت يا أغلى حبيب انت عيني والهدب
تبقى لي اجمل نصيب اول وآخر من احب